ااااااااااه على أيام زمان ـ
وين أيام العز واللمهْ
أيام زمان
وين أيام العز واللمه
وين أيام العم والعمة
وين أيام الفرح يبقى للجميع
وين أيام وقفة الجار قبل الجميع
وينا إحنا ليش أتفرقنا
مين شتتنا ومين بعدنا
إحنا تخلينا عن عاداتنا ضعنا
والزمان مش ممكن يرجعنا
نلتقي في أفراحنا واتراحنا
حتى أفراحنا صارت تفرقنا
وفي فرحك ما بتدعونيش
كرت تبعثوا يصلني ويمكن ما يصلنيش
أنت بكرتك بتعزمني وما بتعزمنيش
بتقلي تعال وبتقلي ما تجيش
اليوم أفراحنا هي افضاحنا والي بدو يشكرنا بيلعنا
يمكن الفرح فرحنا بس إحنا مش إحنا
إحنا بنداوي جراحنا بافضاحنا والي فضحنا هو إحنا
هي مش أفراح يا ناس
وين الزغروتة إلي تعلي
وين العمة والخالة إلي تجلي
وين الدبكة والشبابة وين وقفة كل أصحابي
بيت الشعر كلنا بنحنلوا وان بناة واحد بنقلوا فكك منوا
اليوم في صالات زي الصناديق معلبات
من بين الملونات ما بتعرف الخالة من العمة
ببكي على يوم ندى راح
وما امتلا بالفلاحين والفلاحات كل مراح
وين الفلاح إلي كان يصحا قبل العصفورة
المعول في ايدو يرسم في الحقل أحلا صورة
وين الراعي إلي بصوة شبابتة يملا الوادي
من طلعتوا لمرواحوا ما حدا يعادي
ببكي على الأيام إلي راحت
حكايات جدي إلي ضاعت
ضاع صوت الشبابة وسرد الحدوتي
ضاع صوت الحمام إلي كان فوق البيدر يطاير
ضاع وضعنا يا ناس وما عدنا نتخاير
واه يا أيام جدودي على الله تعودي
موضوع: آه على أيام زمان 
